炒股毅進制：低買高沽，就係操控股價
車速毅進制：時速35，就係生死時速
新巴車長被屈危駕及藏有攻擊性武器，過咗幾日啦，我哋留意返，聲援車長嘅人有邊個，暫時我見到有嘅係新巴職工會、城巴職工會、巴士業界聯合工會。
至於車長老闆新巴呢？公開表明支持員工就唔見嘅，但根據新巴職工會理事長林錦標表示，「新巴承諾為涉事車長提供法律支援」。
是咁的，見到網上有好多人話，「新創建（659）賣咗新巴城巴啦，要追就追新老闆啦。」其實呢，單刁只係公佈咗，仲未正式完成嘅，即係目前新巴、城巴仲喺新創建手上。同時，根據通告，如果今年12月底前仲未完成呢，就要推倒重來。
法律支援應該都要搞年幾兩年結案，既然目前仲係新創建嘅新巴，「承諾為涉事車長提供法律支援」，希望新巴新舊老闆唔好走數。
By千頌C
Search